Xaçmaz rayonunda yerləşən "Müqəddəs Möcüzəvi Nikolay" pravoslav kilsəsində Milad bayramı qeyd olunub.
Shimal.News xəbər verir ki, ölkəmizin şimal rayonlarında yaşayan pravoslav xristian icmasının üzvləri kilsəyə gələrək dini ayinlər icra edib, dualar oxuyublar.
Mərasimdə Prezident İlham Əliyevin Azərbaycanın pravoslav xristian icmasına ünvanladığı bayram təbriki oxunub. Qeyd edilib ki, Azərbaycanda yüz illərdir ayrı-ayrı xalqlar və etiqadlar arasında qarşılıqlı hörmətə və etimada, mehriban dostluğa və qardaşlığa əsaslanan milli-mənəvi həmrəylik mühiti hökm sürür.
Mərasimdə dini ayinlərin icrasından sonra bayram şirniyyatları paylanılıb.
Qeyd edək ki, Milad bayramı ilə əlaqədar yanvarın 6-dan 7-nə keçən gecə Azərbaycanın bütün pravoslav kilsələrində təntənəli ibadət mərasimləri keçirilib.
