Son günlər Xaçmaz şəhərində işiq təchizatında fasilələr yaranır. Bu barədə ShimalNews-a 6 avqust tarixində izləyicilərdən məlumat daxil olub.
Şəhərin H.Əliyev, N.Nərimanov, S.Qurbanov və digər küçələrində elektrik enerjisinin verilişi dayandırılır.
“Ayın 4-dən etibarən gün ərzində bir neçə dəfə işıqlar sönür. Dünən saat 14:00-dan 23:00 kimi, bu gün isə saat 11:00-dan yenə fasilə yaranıb. “Azərişıq” ASC-nin qaynar xəttinə zəng edirik. Qurumdan, cavab olaraq, profilaktik işlərin görüldüyünü və ya qəza baş verdiyini bildirirlər”, - deyə sakinlər söyləyiblər.
