"Xəzəri Qoruyaq!" kampaniyası çərçivəsində regionlarda sahilyanı təmizlik aksiyaları davam etdirilir.
Shimal.News xəbər verir ki, Beynəlxalq Sahilyanı Təmizlik Kampaniyası çərçivəsində keçirilən layihənin builki ilk aksiyası sentyabrın 2-də Xaçmazın Xəzər sahilində təşkil olunub.
Aksiya zamanı 60 könüllünün iştirakı ilə 3 hektar sahil ərazisi tullantılardan təmizlənib, ümumilikdə 400 kiloqram tullantı toplanaraq ərazidən daşınıb və təkrar emala yönləndirilib.
Qeyd edək ki, "Xəzəri Qoruyaq!" kampaniyasının regionlar üzrə sahilyanı təmizlik aksiyaları davam edir. Növbəti aksiya sentyabrın 4-də Siyəzən sahilyanı zonasında keçiriləcək.
Kampaniyanın əsas məqsədi Xəzər sahillərinin tullantılardan təmizlənməsi, dəniz ekosisteminin qorunmasına töhfə verilməsi və cəmiyyətdə ekoloji məsuliyyətin artırılmasıdır.
