Xaçmaz bazarının yaxınlığında kanalizasiya kanalının üstündəki “keçid” yararsız hala düşüb. Bu haqda ShimalNews 22 dekabr tarixində məlumat verir.
Şəhərin 20 Yanvar və şəhid Nazim Məhəmmədov küçələrinin kəsişməsində yerləşən kanal dəmir lövhələrlə örtülüb. Sakinlər bildirirlər ki, bu yoldan yüzlərlə piyada istifadə edir.
“Mərkəzi küçələrdən biridir bura. Uzun zamandır ki, kanalın üstü bərkidilmir və bura qoyulan dəmir lövhələr tez-tez sınır. Buna görə, piyadalar avtomobil yolu ilə hərəkət etməli olurlar”,- deyə vətəndaş bildirib.
