Şabran rayonunun Gəndov kəndində yolların baxımsızlığı və antisanitar şərait sakinlərin ciddi narazılığına səbəb olub.
Shimal.News xəbər verir ki, kəndin mərkəzindəki dayanacağın ətrafı xüsusilə problemlidir. Bakıya, ölkənin digər rayon və şəhərlərinə səfərə hazırlaşanların yolu adətən bu dayanacaqdan keçir. Amma əraziyə yaxınlaşdıqda su ilə dolu çuxurlar, lilli arxdan yayılan pis qoxu ilə üzləşmək artıq alın yazısına çevrilib. Arxın içi lil və palçıqla dolu olduğu üçün hər yağışdan sonra yolu su basır. Bu isə dayanacaqda durmağı mümkünsüz hala çevirir.
Digər bir narazılıq isə kəndin məktəb yolunun bərbad vəziyyətdə olması ilə bağlıdır. Sovet dövründə çəkilən asfalt artıq dağılıb, yerində böyük çalalar əmələ gəlib. Yağışlı günlərdə bu yolda su toplandığına görə uşaqlar, valideynlər, müəllimlər hərəkət etməkdə çətinlik çəkirlər.
Kənd sakinləri uşaqların təhlükəsizliyini təmin etmək və gündəlik həyat şəraitlərini yaxşılaşdırmaq üçün yolun təmir olunmasını və kəndin ümumi infrastrukturunun bərpasını tələb edirlər.
Посмотреть эту публикацию в Instagram
