Bakı-Quba-Dağıstan sərhədi avtomobil yolunun Şabran rayonu ərazisindən keçən hissəsində piyada vurulması ilə nəticələnən yol-nəqliyyat hadisəsi baş verib.
Avtosfer.az-ın məlumatına görə, hadisə dekabrın 3-də axşam saatlarında qeydə alınıb. Belə ki, taksi fəaliyyəti ilə məşğul olan 99-RV-144 dövlət nömrə nişanlı “VAZ-2107” markalı avtomobilin sürücüsü yolu təyin olunmamış yerdən keçən Şabran rayon sakini 1967-ci il təvəllüdlü Fikrət Kamilovu vurub. Zərbənin təsirindən müxtəlif dərəcəli bədən xəsarətləri alan piyada Şabran Rayon Mərkəzi Xəstəxanasına yerləşdirilib. Lakin o, dekabrın 4-ü səhər saatlarında ölüb.
Qeyd edək ki, faktla bağlı cinayət işi başlanılıb, araşdırma aparılır.
