Azərbaycanda sabah hava şəraitinin əsasən yağmursuz keçəcəyi, temperaturun isə bəzi ərazilərdə 40 dərəcəyədək yüksələcəyi gözlənilir.
Shimal.News-un məlumatına görə, Milli Hidrometeorologiya Xidməti gündüz bəzi dağlıq ərazilərdə qısamüddətli yağış və şimşək ehtimalı olduğunu açıqlayıb. Gecə və səhər dağlıq ərazilərdə duman müşahidə edilə bilər.
Şimal bölgəsində — Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz və Qusar rayonlarında hava əsasən yağmursuz olacaq. Gün ərzində bəzi yerlərdə yağış, ayrı-ayrı ərazilərdə isə qısamüddətli leysan və şimşək ehtimalı var.
Rayonlarda havanın temperaturu gecə 17-22°, gündüz 31-36°, dağlıq ərazilərdə isə gecə 14-18°, gündüz 23-28° isti olacaq.
Paytaxt və digər ərazilərdə isə temperaturun gündüz 34-39°, bəzi yerlərdə 40°-dək yüksələcəyi bildirilir.
