Qubanın Digah kəndində yüzlərlə məktəblinin hər gün istifadə etdiyi yol təhlükə saçır. Bu haqda ShimalNews 5 may tarixində Baku TV-yə istinadən məlumat verir.
İki məktəb arasında yerləşən yolda piyada keçidi yol nişanı olsa da, “zebra” yoxdur. Kənd sakinlərinin sözlərinə görə, həmin yolda dəfələrlə bədbəxt hadisə baş verib.
Məsələ ilə bağlı kənd icra nümayəndəsi Piroğlan Abdullayev söyləyib ki, məktəbin qarşısında “zebra” var. Lakin vaxt keçdikcə onun rəngi gedib. Hava şəraiti düzəldikdən sonra həmin yolun rənglənmə işləri aparılacaq.
DİN-in Mətbuat Xidmətinin Quba regional qrupunun inspektoru Xəyal Talıbov isə şifahi olaraq bildirib ki, vətəndaşların qarşılaşdığı cətinliklə bağlı rəsmi müraciət olmayıb. Müraciət daxil olarsa, onlar tərəfindən zəruri tədbirlər həyata keçirilə bilər.
