Bu gün Vətən müharibəsi şəhidi Nizami Elçin oğlu Aydəmirovun doğum günüdür.
Baş kəşfiyyatçı Nizami Aydəmirov 11 mart 1993-cü ildə Quba rayonunun Bağbanlı kəndində anadan olub.
2020-ci il sentyabrın 27-də Azərbaycan Silahlı Qüvvələrinin Ermənistanın işğalı altında olan ərazilərin azad edilməsi və ölkənin ərazi bütövlüyünün bərpası məqsədilə başladığı Vətən müharibəsində iştirak edib. O, Füzuli istiqamətində gedən döyüşlərdə igidliklə vuruşub.
Nizami Aydəmirov 5 oktyabr 2020-ci ildə Füzuli rayonunun Alxanlı kəndi uğrunda gedən döyüşlər zamanı şəhid olub.
O, ölümündən sonra Azərbaycan Respublikası Prezidentinin sərəncamı ilə "Vətən uğrunda" və "Füzulinin azad olunmasına görə" medalları ilə təltif edilib.
