Qubanın Zərdabi və Bağbanlı qəsəbələrində qəzalı vəziyyətdə olan binaların sakinləri yeni mənzillərlə təmin ediləcəklər.
Shimal.News xəbər verir ki, bu barədə Quba Rayon İcra Hakimiyyətinin başçısı İlqar Mahmudovun vətəndaşlarla görüşündə məlumat verilib.
Bildirilib ki, Zərdabi qəsəbəsində uzun illərdir qəzalı vəziyyətdə olan binaların yerində yaxın zamanda müasir tələblərə uyğun yeni yaşayış binaları inşa olunacaq.
Bağbanlı qəsəbəsində isə bu ilin 16 aprelində yağan güclü leysan yağışları nəticəsində Zemfira Məhərrəm qızı Məhərrəmovanın evi yararsız vəziyyətə düşüb. Hazırda Fövqəladə Hallar Nazirliyi tərəfindən həmin evin yenidən tikintisi aparılır.
