Quba-Xaçmaz yolunun baxımsız olan ərazisi sürücüləri çətinliklərlə üz-üzə qoyur.
Bu haqda Shimal.News-a daxil olan məlumatda bildirilib. Yolun Qubanın Bağbanlı və Qəcərzeyid kənd yolu ilə birləşdiyi hissəsində dərin çalalar əmələ gəlib.
Bu səbəbdən nəqliyyat vasitələri ya çalaya düşərək maneəni dəf etməli, yaxud yolda dayanıb qəza vəziyyəti yaratmalıdırlar.
Üstəlik yolun çiynində olan dərə yağışlı havada su ilə dolur və bunu bilməyən sürücüləri sürpriz gözləyir. Bir müddətdən sonra əsas yolun asfalt qatının yuyularaq dağıla biləcəyi təhlükəsi vətəndaşlarda narahatlıq hissi doğurur.
