Qubanın Pirvahid kəndi ərazisində avtomobil qəzası zamanı bir neçə nəfər xəsarət alıb. Bu barədə ShimalNews 8 avqust tarixində Report-a istinadən məlumat verir.
Hadisə Quba-Bakı avtomobil yolunda qeydə alınıb. "Hyundai" və "VAZ-21099" markalı avtomobillər toqquşub. Nəticədə 62 yaşlı İdayəddin Əmirov, 55 yaşlı Kəmalə Əmirova və 35 yaşlı Ayaz Qəribov müxtəlif dərəcəli xəsarətlər alıblar.
Yaralılar Quba Rayon Mərkəzi Xəstəxanasına çatdırılıblar.
Faktla bağlı araşdırma aparılır.
