Qubada göz əməliyyatlarına start verildi – ilk katarakta əməliyyatı yerinə yetirilib.
Shimal.News xəbər verir ki, Quba Rayon Mərkəzi Xəstəxanasında oftalmoloji əməliyyatların icrasına başlanılıb. Bu addım vətəndaşların tibbi xidmətlərə əlçatanlığının artırılması istiqamətində TƏBİB tərəfindən həyata keçirilən tədbirlərin davamıdır.
Tibb müəssisəsində 1949-cu il təvəllüdlü pasiyent üzərində kataraktanın fakoemulsifikasiyası, aspirasiyası və intraokulyar göz bülluru protezinin implantasiyası əməliyyatı icra olunub. İcbari tibbi sığortanın Xidmətlər Zərfi çərçivəsində həyata keçirilən cərrahi müdaxilənin uğurla başa çatdığı bildirilib.
Əməliyyat zamanı bulanıqlaşmış təbii göz bülluru çıxarılaraq yerinə intraokulyar protez implantasiya edilib.
