Qubada avtomobil qəzası nəticəsində 2 nəfər huşsuz halda xəstəxanaya çatdırılıb. Bu barədə ShimalNews 4 oktyabr tarixində məlumat verir.
Hadisə Alekseyevka kəndi ərazisində saat 19:00-da baş verib. “Mercedes” markalı avtomobil idarəetmədən çıxaraq yolun kənarındakı çinar ağacına çarpılıb. Nəqliyyat vasitəsi deformasiyaya uğrayıb, sürücü və 1 nəfər sərnişin içəridə qalıb. Ətrafdakı insanların köməkliyi ilə avtomobildə qalan şəxslər açıq əraziyə çıxarılıb və onlara ilkin yardım göstərilib.
Əraziyə polis əməkdaşları və təcili tibbi yardım briqadası cəlb olunublar. Xəsarət alanlar Quba Müalicə Diaqnostika Mərkəzinə çatdırılıb.
Şahidlərin sözlərinə görə, qəzaya səbəb yüksək sürət olub.
View this post on Instagram
