Qubada avtomobil vuran şəxsin vəziyyəti ilə bağlı TƏBİB açıqlama verib:
“24.07.2025-ci il tarixində saat 00:35 radələrində Quba rayonu ərazisində baş verən yol-nəqliyyat hadisəsi səbəbilə 1 nəfər (kişi cinsli) Quba Rayon Mərkəzi Xəstəxanasının Təcili və təxirəsalınmaz tibbi yardım şöbəsinə hospitalizasiya olunub.
1963-cü il təvəllüdlü şəxsə politravma, bədənin yuxarı və aşağı ətraflarının çoxsaylı sınığı, üzün və başın tüklü hissəsinin çoxsaylı açıq yaraları diaqnozu təyin olunub.
Vəziyyəti ağır qiymətləndirilən şəxsin müalicəsi Reanimasiya şöbəsində davam etdirilir”.
09:07
Qubada piyadanın vurulması ilə nəticələnən yol-nəqliyyat hadisəsi baş verib.
Shimal.News xəbər verir ki, rayon sakini 62 yaşlı Aydın Adil oğlu Talıbovu avtomobil vurub. O, ağır vəziyyətdə Quba rayon Mərkəzi Xəstəxanasına çatdırılıb.
Hazırda fakt araşdırılır.
