Qubada Vətən müharibəsi qazisi və daha bir şəxs avtomobil qəzasında xəsarət alıblar. Bu haqda ShimalNews 16 oktyabr tarixində məlumat verir.
Hadisə oktyabrın 15-i saat 17:00 radələrində qeydə alınıb. “Qazel” markalı avtomobil Amsar yolu ilə üzü Rustov kəndinə hərəkətdə olub. Bu vaxt qarşıdan gələn “VAZ-2107” markalı avtomobil gözləmədən yol ayrıcında dönmə əməliyyatı edib və toqquşma baş verib.
Şahidlərin sözlərinə görə, “Qazel”in daxilində olan sərnişin xəsarət alıb. O, 44 günlük müharibədə döyüşüb və 3-cü qrup əlildir. Eləcə də “07”nin sürücüsünə tibbi yardım tələb olunub. Onların hər ikisini hadisə yerində olan vətəndaşlar həmin an öz avtomobilləri ilə xəstəxanaya çatdırıblar.
