Quba-Xudat yolunun yararsız halda olması sürücülər üçün çətinliklər yaradır. Bu barədə ShimalNews 26 aprel tarixində İctimai TV-yə istinadən məlumat verir.
Qubanın Vladimirovka və Ağbil kəndləri arasında yolun bir hissəsində asfalt qopub və çuxurlar əmələ gəlib. Avtomobillər yolun kənarı ilə - torpaq yolla hərəkət etməyə məcbur olurlar. Eyni hal Qusarçayın üzərindəki körpüdə də müşahidə olunur.
Yolun Quba rayonundan keçən hissəsi sonuncu dəfə ötən əsrin 80-ci illərində əsaslı təmir olunub. Hazırda uzunluğu 20 km olan ərazinin yenilənməsinə ehtiyac var.
Quba-Xudat magistral yolu şimal bölgəsinin 3 rayonunu birləşdirir. Rusiya ilə sərhədimizə və turizm zonası olan Nabrana gedən avtomobillər, əsasən, buradan keçir.
Məsələ ilə bağlı AAYDA-dan bildirildi ki, bu yol yaxın gələcəkdə dövlət proqramına daxil edilərək yenidən qurulacaq.
[video width="1920" height="1080" mp4="https://shimal.news/storage/photos/2023/04/video3.mp4"][/video]
