Qubanın Zərdabi qəsəbəsi ərazisində yol-nəqliyyat hadisəsi baş verib. Bu haqda ShimalNews 18 aprel tarixində məlumat verir.
Aprelin 17-si saat 18:45-də, Xaçmaz–Quba istiqamətində hərəkət edən “VAZ” markalı avtomobilin qarşısına qəfil 2 at çıxıb. Nəqliyyat vasitəsi onlardan birini vurub.
Şahidlərin sözlərinə görə, heyvan əraziyə nəzarətsiz buraxılıb. Onun sahibinin axtarışları nəticə verməyib. Sürücü avtomobilin yararsız hala düşməsindən deyil, atın xəsarət almasından heyifsilənib.
Əraziyə DYP əməkdaşları cəlb olunublar.
Daha öncə Quba yollarında atların tələf olması haqqında məlumat vermişdik. Sürücülərin sözlərinə görə, Alekseyevka, Barlı kəndlərində və Zərdabi qəsəbəsində bu cür qəzalar tez-tez olur. Gecə və gündüz atlar yollarda gəzir və bəzən qaranlıqda yolun hərəkət hissəsində dayanırlar. Ən qorxulusu isə odur ki, ürkəndə avtomobil işığının üzərinə qaçırlar. Qəza baş verdikdə heç kim cavabdehlik daşımır.
