Quba-Xaçmaz avtomobil yolunda maşın kanala düşüb. Bu haqda ShimalNews 2 dekabr tarixində məlumat verir.
Yol-nəqliyyat hadisəsi ötən gün saat 17:00 radələrində Zərdabi qəsəbəsindən keçən hissədə baş verib. “VAZ-2106” markalı avtomobilin sürücüsü, Bağbanlı kənd sakini Ramin İsmixanov xəsarət almayıb.
Şahidlərin sözlərinə görə, hadisə sürücünün idarəetməni itirməsi nəticəsində baş verib. Körpüyə ilişən avtomobil vətəndaşların köməyi ilə sudan çıxarılıb.
Əraziyə hüquq-mühafizə orqanlarının əməkdaşları cəlb olunublar.
Faktla bağlı araşdırma aparılır.
