Quba rayonu, 2-ci Nügədi kəndinin 6-cı məhəlləsində elektrik dirəklərinin qəzalı vəziyyətdə olması sakinlərin narahatlığına səbəb olub.
Məsələ ilə bağlı Shimal.News-a danışan sakinlərin sözlərinə görə, ərazidəki taxta dirəklər çürüyərək yararsız hala düşüb.
"Dirəklər tam çürüyüb, azacıq külək olan kimi yellənir. Bəzi yerlərdə elektrik naqillərinin üstü açıq qalıb ki, bu da uşaqlar və ətrafda yaşayanlar üçün ciddi təhlükə yaradır.
Biz 3 ildən çoxdur aidiyyəti qurumlara müraciət edirik, amma problemimizlə maraqlanan yoxdur", - deyə sakinlər bildiriblər.
Sakinlər mümkün bədbəxt hadisənin qarşısının alınması üçün müvafiq qurumların təcili tədbir görməsini xahiş edirlər.
