Quba şəhərinin mərkəzi küçəsində səki yararsız vəziyyətdədir. Bu haqda ShimalNews 27 aprel tarixində “Apa”ya istinadən məlumat verir.
Heydər Əliyev prospektində uzun müddət təmir aparılmadığından səkilər dağılıb. Sakinlər bildirirlər ki, burada əlil və uşaq arabası ilə hərəkət, ümumiyyətlə, mümkün deyil.
Qubanın bəzi küçələrində səkilərin olmaması vətəndaşları avtomobil yolu ilə hərəkət etməyə məcbur edir. Digər bir problem isə piyada yolunda işıq dirəklərinin olmasıdır.
Məsələ ilə bağlı Quba RİH-dən bildirilib ki, yaxın gələcəkdə piyadalar üçün daha rahat şərait yaradılacaq. İşıq dirəklərinə gəlincə, onların daha müasir, nazik və maneə törətməyən dirəklər ilə əvəzlənəcəyi qeyd edilib.
