Fevralın 5-dən Qəbələdə II Beynəlxalq "Qış nağılı" Musiqi Festivalı start götürür.
Shimal.News xəbər verir ki, tədbir Üzeyir Hacıbəyli adına Bakı Musiqi Akademiyasının təşkilatçılığı, Heydər Əliyev Fondu, Mədəniyyət Nazirliyi və "Gilan"ın dəstəyi ilə keçirilir. Qəbələ Musiqi Festivalı artıq ikinci ildir ki, qış mövsümündə də təşkil olunur.
Dörd gün davam edəcək festival çərçivəsində Heydər Əliyev Konqres Mərkəzində müxtəlif musiqi janrlarını əhatə edən konsert proqramları təqdim ediləcək. İlk gün tədbir Qara Qarayevin musiqi irsinə həsr olunacaq.
Fevralın 6-da festivalın rəsmi açılışı, 7-də "Bakı–Neapol: Musiqi Körpüsü" kamera musiqi axşamı, 8-də isə Azərbaycan–İspaniya flamenko-caz gecəsi və bağlanış mərasimi keçiriləcək.
