Dövlət Şəhərsalma və Arxitektura Komitəsinin sədri Anar Quliyev Qax rayonunda vətəndaş qəbulu keçirib.
Shimal.News xəbər verir ki, bu barədə Komitə sədri sosial şəbəkədə paylaşım edib.
Bildirilib ki, qəbul zamanı Qax, Oğuz, Şəki, Qəbələ, Balakən və Zaqatala rayonlarının sakinləri ilə görüş keçirilib.
Görüşdə şəhərsalma və ərazi planlaşdırılması, yaşayış məntəqələrinin kompleks inkişafı, mühəndis və sosial infrastrukturun təkmilləşdirilməsi, həmçinin sahibkarlıq və investisiya fəaliyyəti üçün əlverişli şəraitin yaradılması ilə bağlı məsələlər müzakirə olunub.
Anar Quliyev qeyd edib ki, müzakirələrin əsas məqsədi bölgənin dayanıqlı inkişafına töhfə verəcək layihələrin və vətəndaş müraciətlərinin operativ şəkildə dəyərləndirilməsidir.
