Sosial şəbəkələrdə hibrid avtomobillərinin ödənişli yola buraxılmaması barədə iddialar yayılıb. Bu barədə ShimalNews 17 may tarixində "Unikal"a istinadən xəbər verir.
Videonu paylaşan sürücü bildirib ki, girişdə quraşdırılan elektron lövhədə "Hibrid giriş yoxdur" yazısı qeyd olunub.
Məsələ ilə bağlı Azərbaycan Avtomobil Yolları Dövlət Agentliyinin (AAYDA) mətbuat katibi Anar Nəcəfli bildirib ki, bu iddialar əsassızdır:
"Orada "hibrid avtomobillər" sözü yazılmayıb. "Hibrid giriş yoxdur" yazılıb. Bu isə sisitemə aid olan məsələdir. Həmin zaman sistemdə yoxlamalar aparılıb. Bu səbəbdən sözügedən yazı lövhədə əks olunub. O lövhədə "Xoş gəldiniz, xoş getdiniz" və yaxud digər yazılar da yazıla bilər. Bir sözlə, hibrid avtomobillərinin ödənişli yola buraxılması ilə bağlı hər hansı bir məhdudiyyət yoxdur və ola da bilməz", - deyə o qeyd edib.
