Tarif Şurası Bakı-Quba-Rusiya yolu ilə gediş tariflərini təsdiqləyib. Bu haqda ShimalNews 17 oktyabr tarixində adı çəkilən quruma istinadən xəbər verir.
Hacı Zeynalabdin Tağıyev qəsəbəsindən başlayan ödənişli yol ƏDV ilə birgə hər 1 km üçün aşağıdakı kimi hesablanacaq:
- Minik avtomobilləri və icazə verilən maksimum kütləsi 3.5 tona (3.5 ton daxil) qədər olan yük avtonəqliyyat vasitələri - 9.3 qəpik (bütün yol üçün 12 manat);
- İcazə verilən maksimum kütləsi 3.5 tondan yuxarı olan yük avtonəqliyyat vasitələri və digər maşın-mexanizmlər - 11.6 qəpik (bütün yol üzrə təxminən 15 manat);
- Avtobuslar - 7.8 qəpik (bütün yol üçün 10 manat);
- Qoşqulu və yarımqoşqulu nəqliyyat vasitələri (3-4 oxlu və ya TIR) - 19.4 qəpik (bütün yol üçün 25 manat).
Bu yol ənənəvi yoldan qısadır, onun uzunluğu 129 kilometr təşkil edir. Hazırda tikintinin son tamamlama işləri aparılır. Eləcə də burada sürət həddi daha yüksək olacaq. Açılışdan sonra bu yolun tranzit yükdaşımaların və turizmin inkişafına təkan verəcəyi gözlənilir.
