Yaradıcılığı ilə müasir Azərbaycan musiqisinin diqqətçəkən simalarından biri olan Sivva dinləyicilərinə yeni musiqi işini – "NAĞIL" adlı mahnı və klipini təqdim edib. Layihə həm musiqi, həm də vizual baxımdan fərqli yanaşması ilə seçilir. Yeni mahnının söz və musiqisi Sivvanın özünə aiddir.
Klipdə Sivvanın tərəf müqabili onun həyat yoldaşı, uzun illərdir televiziya və radio aparıcısı kimi fəaliyyət göstərən Ruslan Zeynal olub. Ruslan Zeynal geniş auditoriyaya özünün "FERMERİN REAL DOSTU" və "KƏND ADAMI" layihələri ilə tanınır və bu klipdəki iştirakı ilə layihəyə əlavə səmimiyyət və real emosional çalar qatıb. Ekran işində məkanın atmosferində təbii kənd həyatı diqqətdən yayınmır.
Müsahibələrində qalmaqallardan, şou biznesdən uzaq və əsl sənətə yaxın olduğunu deyən Sivva "NAĞIL"da tamaşaçılara sadə, lakin təbii hissləri emosional tərzdə çatdırmağa çalışıb.
Klip çəkilişləri Qusar rayonunda baş tutub. Çəkiliş prosesi zamanı yaradıcı heyət gözlənilməz hava şəraiti ilə üzləşib – bütün komanda güclü yağışa düşsə də, bu məqam işə mane olmayıb, əksinə əlavə rəng qatıb.
Çətinliklərdən keçib sonda qalib gələn sevgini simvolizə edən "NAĞIL" peşəkar bəstəkar və müğənninin öz doğum günündə həm də özünə, həm də dinləyicilərinə hədiyyəsidir. 
Sivvanı bütün rəqəmsal platformalarda izləyə bilərsiniz.
Link:
