Muğanlı-İsmayıllı yolunda sürüşmə təhlükəsi hələ də var. Bu barədə ShimalNews 3 iyul tarixində “Xəzər Xəbər”ə istinadən məlumat verir.
Bir neçə gün əvvəl axşam saatlarında həmin yolun 2-ci km-də çökmə baş vermişdi. Mütəxəssislər bildirirlər ki, bu hadisə əsas yol üçün də bənzər riskin olmasını göstərir.
Eyni zamanda burada yeni yol qurulur. Onun layihə rəhbəri Zahir Həsənov deyir ki, bu cür sürüşmə təhlükəsindən qorunmaq üçün xüsusi metodlar tətbiq edilir.
Yeni qurulan Muğanlı-İsmayıllı-Qəbələ yolu II texniki dərəcəyə uyğun və 76.8 km olacaq. Bu isə əvvəlkinə nisbətən 9.7 km qısadır. Mövcud 2 zolaq genişləndirilərək 4 hərəkət zolağından ibarət olacaq.
Təmir-tikinti işlərinin tam olaraq, 2025-ci ildə yekunlaşdırılması nəzərdə tutulub.
