Balakən rayonunun İtitala kəndində güclü yağışların yaratdığı sel ciddi fəsadlara səbəb olub.
Shimal.News xəbər verir ki, hazırda aidiyyəti qurumlar tərəfindən kənddə selin yaratdığı fəsadların aradan qaldırılması istiqamətində işlər davam etdirilir.
İlkin məlumata görə, sel suları 400-dən çox fərdi yaşayış evinin həyətini və zirzəmisini su altında qoyub. Ərazilərdən suyun çəkilməsi, palçıq və lil qatının təmizlənməsi, həmçinin infrastruktura dəyən ziyanın aradan qaldırılması üçün xüsusi texnika və canlı qüvvə cəlb olunub.
Hazırda vəziyyət nəzarət altındadır və bərpa işləri mərhələli şəkildə davam etdirilir.
