İsmayıllıda avtomobillə intizamsızlıq edərək yol-hərəkəti qaydalarını pozan şəxs məsuliyyətə cəlb edilib. Bu barədə ShimalNews 31 iyul tarixində Daxili İşlər Nazirliyinin Mətbuat Xidmətinə istinadən məlumat verir.
Dövlət Yol Polisinin əməkdaşları tərəfindən nəzarət tədbirləri keçirilib. Rayon sakini Musa Xəlillinin sürücülük hüququ olmadan “VAZ-21011” markalı avtomobili idarə etdiyi, eləcə də hərəkət iştirakçıları üçün təhlükə yaratdığı və bu kimi əməllərini sosial şəbəkələrdə paylaşdığı müəyyən olunub.
Həmin şəxsin barəsində İnzibati Xətalar Məcəlləsinin (avtoxuliqanlıq) müvafiq maddəsi ilə protokol tərtib edilib və hüquqi qiymət verilməsi üçün rayon məhkəməsinə göndərilib.
Məhkəmənin qərarı ilə Musa Xəlilli barəsində 500 manat məbləğində inzibati tənbeh tədbiri tətbiq olunub.
[video width="1920" height="1080" mp4="https://shimal.news/storage/photos/2023/07/din.mp4"][/video]
