Bu gün İsmayıllıda əcnəbi vətəndaşın maşınını sel aparıb. Bu haqda ShimalNews 17 iyul tarixində Oxu.az-a istinadən məlumat verir.
Yuxarı Zərnava kəndini tərk edən Türkmənistan vətəndaşları Girdimançay çayının ortasında qalıblar. Yağan yağışlar səbəbindən çayın səviyyəsi qalxıb, nəticədə ər və arvad köməksiz vəziyyətdə qalıblar.
Qonaqların köməyinə kənd sakinləri, Fövqəladə Hallar Nazirliyinin canlı qüvvəsi və texnikası çatıb. Sürücü və sərnişin xəsarət almayıblar.
Hazırda yolun bərpası üçün ərazidə texnika işləyir.
