Balakən rayonunun İsaxlıgirmə yaşayış məntəqəsinin sakinləri heyvanlarını otarmaq üçün ərazi tapmaqda çətinlik çəkdiklərini bildirirlər.
Təxminən 20 təsərrüfatın yerləşdiyi yaşayış məntəqəsi inzibati baxımdan Xalatala bələdiyyəsinin ərazisinə daxildir.
Sakinlərin sözlərinə görə, vaxtilə kənd təsərrüfatı və heyvandarlıqla məşğul olan ailələrin istifadəsində daha geniş örüş sahələri olub. Lakin onların iddiasına görə, həmin torpaqlar sonrakı illərdə mərhələli şəkildə satılıb.
Nəticədə ərazidə heyvandarlıqla məşğul olan sakinlərin heyvanlarını otarmaq üçün kifayət qədər örüş sahəsi qalmayıb.
Video: Xəzər Xəbər
