Balakən Rayon Şəhidlər Xiyabanında 1992-ci il iyunun 26-da torpaqlarımızın azadlığı və ərazi bütövlüyü uğrunda şəhid olan beş igidin xatirəsinə həsr olunmuş anım mərasimi keçirilib.
Shimal.News xəbər verir ki, tədbirdə şəhid ailələri, qazilər, ictimaiyyət nümayəndələri, eləcə də Balakən rayonunda müharibə iştirakçıları və şəhid ailələri ilə işin təşkili sektorunun müdiri Hacı Muradov iştirak edib.
Anım mərasimində Birinci Qarabağ müharibəsində şəhid olan Qüdrət Abdullayev, Natiq Əlimərdanov, Hizbullah Saramanov, Akif Həsənov və Burhan Bayramovun məzarları ziyarət olunub, ruhlarına dualar oxunub.
Çıxışlarda Prezident, Ali Baş Komandan İlham Əliyevin rəhbərliyi ilə Vətən müharibəsində qazanılan tarixi Zəfərdən, antiterror tədbirləri nəticəsində ölkənin suverenliyinin tam bərpa olunmasından, şəhidlərin qəhrəmanlığı və fədakarlığından bəhs edilib.
Vurğulanıb ki, Vətən uğrunda canından keçən qəhrəmanların xatirəsi xalqın yaddaşında daim yaşayacaq, onların şərəfli döyüş yolu gələcək nəsillər üçün vətənpərvərlik nümunəsi olaraq qalacaq.
