Azərbaycan Avtomobil Yolları Dövlət Agentliyi Bakı və Abşeron yarımadasında 26 iri yol layihəsi üzərində işləyir. Layihələr arasında M1 Bakı-Quba magistralına alternativ olacaq yeni nəqliyyat dəhlizinin yaradılması da nəzərdə tutulur.
Shimal.News xəbər verir ki, bu fikirləri WUF13 çərçivəsində Bakı şəhərinin Baş Planına həsr olunmuş tədbirdə Azərbaycan Avtomobil Yolları Dövlət Agentliyinin İdarə Heyəti sədrinin institusional inkişaf məsələləri üzrə müşaviri Fariz Əzizov deyib.
Müşavir qeyd edib ki, strateji əhəmiyyət daşıyan əsas layihələrdən biri də Bilgəh-Novxanı-Pirşağı-Sumqayıt avtomobil yoludur:
"Bu yol M1 Bakı–Quba magistralını M4 Bakı–Şamaxı magistralı ilə birləşdirəcək və regional nəqliyyatın şəhər mərkəzinə daxil olmadan hərəkətinə şərait yaradacaq".
