Vətən müharibəsində qəhrəmancasına şəhid olan Rəfail İldam oğlu Şeydayev Azərbaycanın ərazi bütövlüyü uğrunda canından keçən igidlərdən biridir.
Shimal.News məlumat verir ki, Rəfail Şeydayev 1 avqust 2000-ci ildə anadan olub. O, 2020-ci ilin sentyabr ayından Azərbaycan Silahlı Qüvvələrinin sıralarında müddətli həqiqi hərbi xidmət keçib.
Cəmi bir neçə həftə sonra başlayan Vətən müharibəsində ön cəbhəyə yollanan Rəfail Şeydayev 7 oktyabr 2020-ci ildə Füzuli istiqamətində gedən döyüşlər zamanı qəhrəmancasına şəhid olub. O, cəmi 20 yaşında Vətən uğrunda canından keçərək adını Azərbaycanın qəhrəmanlıq salnaməsinə yazdırıb.
Göstərdiyi igidlik və şücaət dövlət tərəfindən yüksək qiymətləndirilib. Azərbaycan Prezidentinin müvafiq sərəncamları ilə Rəfail Şeydayev ölümündən sonra "Vətən uğrunda", "Füzulinin azad olunmasına görə", "Cəsur döyüşçü" medalları, eləcə də III dərəcəli "Vətənə xidmətə görə" ordeni ilə təltif edilib.
Rəfail Şeydayevin əziz xatirəsi hər zaman hörmət və ehtiramla anılır. Onun göstərdiyi qəhrəmanlıq gələcək nəsillər üçün Vətən sevgisinin, cəsarətin və fədakarlığın parlaq nümunəsi olaraq yaşayacaq.
