Xəbər verdiyimiz kimi, Zaqatalada ictimai qınaq doğuran hadisə baş verib.
Shimal.News-un əldə etdiyi məlumata görə, məsələ həllini tapıb. Məişət tullantılarını yolun kənarına atan şəxslər polis əməkdaşları tərəfindən müəyyən olunub. Onların barəsində İnzibati Xətalar Məcəlləsinin müvafiq maddəsi ilə protokol tərtib olunub. Həmçinin yol kənarındakı antisanitar vəziyyət aradan qaldırılıb.
Xatırladaq ki, hadisə müşahidə kameraları vasitəsilə qeydə alınıb. 62-BK-195 dövlət qeydiyyat nişanlı “VAZ-2106” markalı avtomobil it sığınacağının qarşısında saxlayıb. Avtomobilin sürücüsü bir bağlama, sərnişini isə pəncərədən daha bir paket tullantını yolun kənarına atıb.
