Zaqatalada internat məktəbi bağlanır.
Shimal.News xəbər verir ki, bununla bağlı etiraz edən məktəbin müəllim və valideyn kollektivi aksiyası keçiriblər.
Onlar bildiriblər ki, Zaqatala şəhər İnteqrasiya təlimli internat tipli gimnaziya 2024-cü ilin yanvarından təmirə bağlanıb. Lakin 1 ildən artıq vaxt keçməsinə baxmayaraq məktəbin fəaliyyəti bərpa edilməyib. İndi isə deyirlər ki, məktəb təyinatını dəyişərək lisey kimi fəaliyyət göstərəcək.
Valideyn və müəllim kollektivi isə buna etiraz edir. Onlar deyir ki, internatda valideynlərini itirən və tək valideynli uşaqlar imtiyazlı təhsil alırdılar. Lakin liseydə onlar bu imtiyazlardan faydalana bilməyəcəklər.
Məsələ ilə bağlı Şəki-Zaqatala Regional Təhsil İdarəsinə redaksiyamızdan sorğu göndərilib.
