Azərbaycan Avtomobil Yolları Dövlət Agentliyinin sədri Zaqatalada bu idarəyə yerli iş adamını təyin edib.
Bizim.Media-nın məlumatına görə, AAYDA-nın sədri Saleh Məmmədovun müvafiq əmri ilə bir müddətdir boş qalan Zaqatala rayon “14 nömrəli Yol İstismarı” idarəsinə yeri rəis təyin edib.
Bu vəzifə yerli iş adamı, əvvəllər də bir sıra dövlət vəzifələrində çalışan Süleyman Süleymanova həvalə edilib.
“14 nömrəli Yol İstismarı” Məhdud Məsuliyyətli Cəmiyyətinin keçmiş direktoru Rüstəm Paşayev cari ilin fevral ayında həbs olunub. O, rəsmi icazə sənədlərinə yalan məlumatlar daxil etməklə Maqov kəndi ərazisində 136.000 manat dəyərində olan müxtəlif növ ağacların kəsilməsini təşkil edib. Hazırda iş məhkəmə mərhələsindədir.
