Zaqatalada qeyri-sabit hava şəraiti davam edir, Qanıx çayı vadisindəki kəndlərə dolu yağıb.
Shimal.News-un məlumatına görə, dünən axşam saat 17 radələrində bölgənin Zaqatala rayonunun Qanıx çayı vadisindəki Qandax, Faldarlı, Muğanlı, Dağlı, Yuxarı Çardaxlar, Muxax kəndlərində hava şəraiti kəskin dəyişib. Əraziyə qısamüddətli leysan və dolu yağıb.
Kənd sakinlərinin verdiyi məlumata görə, sözügedən kəndlərin ərazisinə 10 dəqiqə ərzində fındıqdan iri dolu düşüb. Bəzi ərazilərdə dolunun iriliyi daha böyük olub.
Sakinlər bildirib ki, dolu meyvə ağaclarına, əkin sahələrinə və tərəvəz-bostana ziyanlıq verib.
