Bacısını öldürməkdə təqsirləndirilən Nurlan Əsgərovun cinayət işi üzrə məhkəmə prosesi yekunlaşıb.
Bizim.Media-nın məlumatına görə, Şəki Ağır Cinayətlər Məhkəməsində hakim Xaliq Məmmədovun sədrliyi ilə keçirilən prosesdə hökm oxunub.
Hökmə əsasən, təqsirləndirilən Nurlan Əsgərov 17 il müddətinə azadlıqdan məhrumetmə cəzasına məhkum edilib. O, cəzasını ciddi rejimli cəzaçəkmə müəssisəsində çəkəcək.
Hadisə ötən ilin may ayında Zaqatalada baş verib. Nurlan Əsgərov aralarında yaranmış mübahisə zamanı bacısı Nətəvan Əhmədovanı odlu silahdan atəş açaraq qəsdən öldürüb.
