Zaqatalada fermerlərin hektarlarla əkini suyun altında qalıb.
İctima TV-nin məlumatına görə, Katex və Qanıx çaylarının suyu xeyli artıb.
Nəticədə Aşağı Çardaqlar kəndində sakinlərin 200 ha pay torpağı günlərdi sel suları altında qalıb. Həmin ərazilərə texnika və at arabası ilə keçmək mümkündür.
Məsələ ilə bağlı Zaqatala Su Meliorasiya Sistemlərinin İstismarı İdarəsindən bildirilib ki, ziyan görən torpaqlarda hər gün monitorinq aparılır. Suyun səviyyəsində cüzi enmə var.
