Azərbaycanda Yeni il bayramı ilə əlaqədarİş və istirahət günlərinin yerləri dəyişdirilib.
Shimal.News xəbər verir ki, bununla bağlı Baş nazir Əli Əsədov müvafiq qərar imzalayıb.
Qərarla iş və istirahət günlərinin ardıcıllığını təmin etmək məqsədilə 2024-cü il 30 dekabr və 2025-ci il 3 yanvar iş günləri ilə müvafiq olaraq 2024-cü il 28 və 29 dekabr istirahət günlərinin yerləri dəyişdirilib.
31 dekabr - Dünya Azərbaycanlılarının Həmrəyliyi Günü, 1 və 2 yanvar isə Yeni il bayramıdır. Bu il 28 dekabr şənbə, 2024-cü ilin 29 dekabr və 2025-cü ilin 5 yanvar tarixləri bazar günlərinə təsadüf edir.
Gələn il yanvarın 4-ü şənbə gününə təsadüf etdiyi üçün Yeni ildə bir həftə - 30 və 31 dekabr 2024-cü il 1, 2, 3, 4 və 5 yanvar 2025-ci il qeyri-iş günü olacaq.
Yeni ilin ilk iş günü isə yanvarın 6-da olacaq.
