“Quba rayonunun Talabıqışlaq kəndində tibb məntəqəsinin inşası” layihəsinin təqdimat mərasimi baş tutub. Bu barədə ShimalNews 26 dekabr tarixində məlumat verir.
Açılış mərasimində rayon rəhbərliyi, Yaponiyanın səfiri Vada Cuniçi, TƏBİB-in icraçı direktorunun müavinləri Anar İsrafilov və Araz Nəsirov, rayonun hüquq mühafizə orqanlarının rəhbərləri və ictimaiyyət nümayəndələri iştirak ediblər.
Tibb məntəqəsində ginekoloji, təcili tibbi yardım, vaksinasiya, müalicə və xəstə otaqları var. Talabıqışlaq və ətraf 8 kəndin (Xaruşa, Talabı, Küçeyi, Cağacuq, Toxmar, Aspərəsti, Qorxmazoba, Mirzəqışlaq kəndləri) 5.200 nəfər əhalisi burada göstərilən xidmətlərdən yararlana biləcək.
Bu tibb məntəqəsinə 2 həkim, 4 tibb bacısı, 1 mama-ginekoloq və 2 xadimə ştatının Quba Mərkəzi Xəstəxanası tərəfindən təyin edilməsi və əhaliyə xidmət göstərməsi nəzərdə tutulur.
Səfir Vada Cuniçi bildirib ki, bu layihə Yaponiya ilə Azərbaycan arasında dostluq və əməkdaşlığın göstəricisi kimi yapon xalqından Quba sakinlərinə hədiyyə kimi dəyərləndirib.
[caption id="attachment_34147" align="alignnone" width="640"]
Foto açıq mənbələrdən[/caption]
