Xudat şəhərində “Söz işığında” ədəbi məclisinin yaradılması mövzusunda yığıncaq keçirilib. Bu barədə ShimalNews 8 avqust tarixində “Ulduzlar ədəbi məclisi”nə istinadən məlumat verir.
Tədbir Folklor Evində baş tutub. Burada ”Ulduzlar” ədəbi məclisinin bir qrup üzvü iştirak edib. Yığıncaq Azərbaycan Yazıçılar Birliyinin (AYB) üzvü Səyyad Sərrafın təşəbbüsü ilə adıçəkilən məclisin yaradılmasına həsr olunub.
Xudat Folklor Evinin direktoru Elnarə İskəndərova və burada iştirak edən şair və yazarlar “Söz işığında” ədəbi məclisinin yaradılmasına görə öz xeyir-dualarını veriblər və bu, alqışlarla qarşılanıb.
Daha sonra şairlər təzə yazdıqları şeirlərini oxuyublar. Azərbaycan Jurnalistlər Birliyinin (AJB) üzvləri - Telman Təravət “Məsafə saxla” və Mövlud Ağamməd “Qəzəl”, Sabir Nemətov “Sən necə”, AYB-nin üzvü Məmməd Qədir “Qara yellər əsir cəbhədə”, “Ana”, “O deyir mənə”, eləcə də Pənah Elqəm “Ağlayır”, Böyükağa Ağa “Təzədir”, “Ucbatından”, Nəzər Mirzəyev “Hamının anası”, Müşfiq Qərib “Mən elə bilirdim ki”, İntiqam Məlikov “Azadlıq ruhu” şeirlərini oxuyublar. AJB-nin üzvü, yazıçı Məhərrəm Mustafa isə təzə yazdığı hekayədən qısa epizodu səsləndirib.
