Xudatda "Məktəblərarası dostluq qrupunun təşkili" adlı layihəyə start verilib. Bu haqda ShimalNews 4 dekabr tarixində məlumat verir.
Heydər Əliyevin anadan olmasının 100 illik yubileyi münasibətilə təşkil edilən tədbirdə qeyd olunub ki, belə tədbirlər məktəblərarası dostluq və qardaşlıq əlaqələrinin möhkəmləndirilməsində xüsusi rol oynayır, müəllim və şagirdlərin daha sıx ünsiyyətini təmin edir.
Tədbir çərçivəsində şagirdlər arasında müxtəlif müsabiqələr keçirilib, qarşılıqlı dərslər təşkil olunub. Sonda tədbir iştirakçılarına fəxri fərmanlar və təşəkkürnamələr təqdim edilib, həmçinin xatirə şəkli çəkdirilib.
