Xızı rayonunda görkəmli Azərbaycan şairi Mikayıl Müşfiqin Xatirə Muzeyinə gedən körpü təmir edilib.
Apa.az-ın məlumatına görə, 2023-cü ilin 29 avqust tarixində güclü sel nəticəsində muzeyi Giləzi-Xızı yolu ilə birləşdirən Tıx çayı üzərindəki körpü, uçmuşdu.
"Bundan əlavə, sel nəticəsində muzeyin yerləşdiyi binanın ətrafına toplanmış daş-çınqıl yük maşınları vasitəsilə ərazidən daşınıb. Muzeyin həyətyanı sahəsindəki dəmir barmaqlıqlar bərpa edilməklə bərabər, sanitar qovşaq da yenidən tikilərək istifadəyə verilib", - deyə Abşeron-Xızı Regional Mədəniyyət İdarəsindən bildirilib.
