Xızıda çoban 19 min manatlıq mənimsəmədə təqsirləndirilib.
Shimal.News-un məlumatına görə, Xızı Rayon Məhkəməsində hakim İlqar Cabbarovun sədrliyi ilə keçirilən prosesdə təqsirləndirilən Arif Qasımova (ad-soyad şərtidir) hökm oxunub.
Məhkəmə istintaqında aparılan araşdırmalara görə, Arif Qasımov Tahir İsayevlə (ad şərtidir) çobanlıq razılaşması edib. Aralarında olan şifahi razılaşma ilə T.İsayevə məxsus 19220 manat dəyərində xırdabuynuzlu heyvan ona tapşırılıb. Arif Qasımov ona etibar edilmiş kiçik sürünü mənimsəmə yolu ilə talayıb. Bununla da T.isayevə 19220 manat məbləğində ziyan vurub.
Hökmə əsasən, Arif Qasımov Cinayət Məcəlləsinin 179.2.4-cü maddəsi ilə təqsirli bilinərək 2 il müddətə azadlıqdan məhrum edilib.
Fidan İlqar
