Xaçmaz Rayon İcra Hakimiyyətində Vətən müharibəsi iştirakçısına vəzifə verilib. Bu barədə ShimalNews 26 iyul tarixində Xaçmaz Rayon İcra Hakimiyyətinə istinadən xəbər verir.
İcra başçısı Elnur Rzayevin əmri ilə, Tariyel Didarov İctimai-siyasi və humanitar məsələlər şöbəsinin baş məsləhətçisi vəzifəsində çalışacaq.
Tariyel Didarov uzun illər Azərbaycan Silahlı Qüvvələrinin sıralarında zabit kimi müxtəlif vəzifələrdə çalışıb. O, 44 günlük Vətən müharibəsinin iştirakçısı olub. Azərbaycan Respublikası Prezidentinin Sərəncamı ilə "Cəsur döyüşçü", “Füzulinin azad olunmasına görə”, "Cəbrayılın azad olunmasın görə" və “Xocavəndin azad olunmasına görə” medalları ilə təltif olunub. O, həmçinin "Vətən Müharibəsi iştirakçısı" və "Vətən naminə" medallarına da layiq görülüb.
