Xaçmazlı şəhid Davud Hacıyevin anası Validə Hacıyeva evlə təmin edilib. Bu haqda ShimalNews 30 noyabr tarixində RİH-yə istinadən xəbər verir.
Mənzil Xaçmazdan olan iş adamları tərəfindən hədiyyə olunub. Onlar bildiriblər ki, canından keçmiş qəhrəmanlarımızın xatirəsini daim əziz tutmaq və ailələrinin qayğısına qalmaq hər birimizin vətəndaşlıq borcudur.
Rayon İcra Hakimiyyətinin başçısı Elnur Rzayev, YAP Xaçmaz rayon təşkilatının sədri Məhəmməd Balaqadaşov və yerli iş adamları Validə xanımın qonağı olublar. Bu zaman şəhid anasının qayğıları öyrənilib.
