Toyları ilə gündəmi zəbt edən Xaçmaz gəncləri Göyçək və İlqar haqqında veriliş hazırlanıb. Bu haqda ShimalNews 5 iyul tarixində Baku TV-yə istinadən məlumat verir.
İlqar Göyçəklə "TikTok" vasitəsilə tanış olduğunu bildirib:
"TikTok"a arabir girirdim. Göyçəyin açdığı canlı yayımlar qarşıma çıxırdı. Dəfələrlə yazsam da, cavab vermirdi. Bir gün cavab verdi. Evlərinə getdim, anasına fikrimin ciddi olduğunu, Göyçəklə evlənmək istədiyimi dedim".
"Yazırlar ki, oğlan qıza puluna, evinə görə aşiq olub. Xahiş edirəm, onların xətrinə dəyməyin. Oğlanın valideynləri həyatda deyil, qızın da atası yoxdur. Onların atası da, anası da mənəm", - deyə Göyçəyin anası Arzu xanım münasibət bildirib.
Arzu xanım qızını ərə verdiyi üçün xoşbəxt olduğunu deyib. Göyçək həssas təbəqəyə aid olduğu üçün ona baxmaq çətindir. Daha ətraflı süjeti təqdim edirik:
