Meyvəçilik və Çayçılıq Elmi-Tədqiqat İnstitutunun Xaçmazdakı təsərrüfatında 500.000 ting istehsal edilir. Bu haqda ShimalNews 18 oktyabr tarixində xəbər verir.
Qoçaqlı kəndində yerləşən həmin tingçilikdə, əsasən, gilas yetişdirilir. İstehsalda istifadə olunan calaqaltılar Mikroklonal çoxaltma üsulu ilə istehsal olunur. Bu ağaclar müasir bağçılıq standartlarına cavab verir, intensiv və superintensiv bağların salınması üçün yararlıdır.
Meyvəçilik və Çayçılıq Elmi-Tədqiqat İnstitutunun direktoru İlham Qaraqurbanlı, elmi işlər üzrə direktor müavini Sevil Süleymanova və Xaçmaz rayonu DAİM-in direktoru Azər Haqverdiyev adıçəkilən təsərrüfata baxış keçiriblər. Onlar görülən işlərlə tanış olublar. Bildirilib ki, institutunun prioritet istiqamətlərindən biri meyvə bitkilərinin əkin materiallarının idxalının qarşısının alınmasıdır.
